پاکستانی وزیر خارجہ سے برطانوی وزیر خارجہ کا رابطہ

تفصیلات کے مطابق شاہ محمود قریشی نے برطانوی ہم منصب سے گفتگو کرتے ہوئے کہاکہ افغانستان میں امن و استحکام کا پاکستان سے زیادہ کوئی اور ملک خواہاں نہیں ہو سکتا،افغان فریقین کے بے لچک رویوں سے موجودہ صورتحال پیدا ہوئی .

وزیر خارجہ نے کہاکہ افغان رہنما امن اور مفاہمتی عمل کیلئے عالمی برادری کی حمایت کا فائدہ اٹھائیں ، عالمی برادری کا افغان رہنماﺅں کے ساتھ رابطہ استوار رکھنا انتہائی ناگزیر ہے،ان کاکہناتھا کہ مذاکرات کے ذریعے پرامن تصفیہ کے سوا اگے بڑھنے کا کوئی راستہ نہیں ،امن اور مفاہمت کی راہ اپنانے کیلئے تمام فریقین پر زور دیتے رہیں گے۔

انہوں نے کہاکہ افغان امن عمل کیلئے پاکستان کے کردار کا بڑے پیمانے پر اعتراف کیاگیا،پاکستان افغانستان میں خانہ جنگی کے نتیجے میں سب سے زیادہ متاثر ہو سکتا ہے ۔