پاکستان اسٹاک ایکسچینج کی 46 ہزار پوائنٹس کی نفسیاتی سطح بحال

تفصیلات کے مطابق  پاکستان اسٹاک ایکسچینج میں تیزی دیکھی گئی، 100 انڈیکس 46 ہزار پوائنٹس کی نفسیاتی سطح پر بحال ہوگیا۔ پاکستان اسٹاک ایکسچینج میں 219پوائنٹس کی تیزی کے ساتھ کاروبار کا اختتام ہوا۔جس کے بعد انڈیکس 46 ہزار 87 پوائنٹس کی سطح پر بند ہوا۔ پورے دن میں 13 ارب 53 کروڑ52لاکھ81ہزار8سو48 م مالیت کے25کروڑ 82لاکھ 99ہزار 827 شیئرز کا کاروبار کیا گیا۔

ڈالر کی صورتحال :

انٹر بینک میں ڈالر 5 پیسے مہنگا ہوگیا، فاریکس ڈیلرز کے مطابق  انٹر بینک میں ڈالر160.75 سے بڑھ کر 160.80 روپے پر بند ہوا ۔

سونے کی قیمت :

دوسری جانب سونے کی قیمت میں اضافہ ہوگیا، فی تولہ سونا 100 روپے اضافے سے 113450 روپے کا ہوگیا۔فی 10 گرام سونا 85 روپے مہنگا ہوکر 97266 روپے میں  فروخت ہوا۔عالمی مارکیٹ میں سونا 7 ڈالر اضافے سے 1863 ڈالر فی اونس میں فروخت ہوا۔