ہر تین ماہ بعد استعفوں کی تاریخ اب مذاق بن گئی ہے، فواد چوہدری

وفاقی وزیر سائنس و ٹیکنالوجی فواد چوہدری کا میڈیا سے گفتگو کرتے ہوئے کہنا تھا ہک   اپوزیشن استعفوں کا وقت کبھی نہیں آئے گا، ہر تین ماہ بعد استعفوں کی تاریخ اب مذاق بن گئی ہے، مریم نواز کیپٹن صفدر کے بھائی سے استعفی نہیں لے سکیں، مریم نواز کے کہنے پر کوئی استعفی نہیں دے گا۔ اپوزیشن اسی تنخواہ پر کام کرتی رہے گی۔

فواد چوہدری نے کہا کہ  پی ڈی ایم خود ایک کڑے وقت سے گزر رہی ہے، اپوزیشن کے جلسوں میں عوام کو کوئی دلچسپی نہیں ہے،آئی ٹی منسٹر کو کہا ہے سوشل میڈیا پر خطاب کے لیے اپوزیشن رہنماوں کا ٹیبلٹ دیا جائے، ایک صحافی نے سوال کیا کہ  مولانا صاحب ٹیب کیسے چلائیں گے،جس پر فواد چوہدری نے جواب دیا کہ کوئی لڑکا ہائیر کرلیں جو مدد کرے۔

وفاقی وزیر فواد چوہدری کا کہنا تھا کہ   انکا وقت ختم ہوچکا ہے، یہ پرانے زمانوں کے لوگ ہیں،سیاست آگے بڑھ گئی، یہ لوگ بہت پیچھے رہ گئے ہیں،آصف زرداری، نواز شریف ماضی کا قصہ ہیں، اب نئی سیاست کا دور ہے۔