افغان کرکٹر راشدخان نے ٹیم کی قیادت سے استعفیٰ دیدیا

افغان میڈیا کے مطابق اسپنر راشد خان کو ٹی ٹوئنٹی ورلڈکپ کے لیے اعلان کردہ اسکواڈ پر تحفظات تھے ‏اور انہوں نے ٹیم سلیکشن پر ناراضی کا اظہار کیا تھا۔ ‏

افغان میڈیا کا کہنا ہے کہ راشدخان افغانستان کے ٹی ٹوئنٹی اسکواڈسےمطمئن نہیں تھے اور اس حوالے سے انہوں ‏نے بورڈ کو بھی آگاہ کیا تھا۔

راشد خان نے استعفے کی تصدیق کرتے ہوئے کہا ہے کہ بحیثیت کپتان ٹیم کی سلیکشن میں میری رائےلینی ‏چاہیےتھی ٹی ٹوئنٹی اسکواڈکےانتخاب سےغیرمطمئن ہوں۔

راشدخان نے کہا کہ افغانستان کےلیےکھیلتارہوں گا جو ایک اعزاز ہے تاہم میگا ایونٹ میں کپتانی نہیں کروں گا۔

خیال رہے کہ راشد خان کے دستبردار ہونے پر بورڈ کی جانب سے فی الحال کوئی ردعمل نہیں آیا اور نہ ہی نئے کپتان کا اعلان کیا ‏گیا ہے۔