سینئر صحافی رحیم اللہ یوسف زئی انتقال کر گئے

تفصیلات کے مطابق رحیم اللہ یوسف زئی10 ستمبر1954 کو پیدا ہوئے تھے ،انہیں اسامہ بن لادن کے انٹرویو سے شہرت ملی ،رحیم اللہ یوسف ان چند صحافیوں میں ہیں جنہوں نے طالبان کی کارروائیاں رپورٹ کیں ،وہ 1995 میں افغانستان کے شہر قندھار گئے ۔

رحیم اللہ یوسفزئی نے مقامی اور غیرملکی خبررساں ادارے کیلئے کام کیا،وہ افغانستان، شمالی مغربی پاکستان کے امور کے ماہر سمجھے جاتے تھے ,رحیم اللہ یوسف زئی کو صحافتی خدمات کے اعتراف میں 2004 میں تمغہ امتیازاور2009 میں ستارہ امتیاز سے نوازاگیا۔

وزیراعلیٰ خیبرپختونخوا محمود خان، وزیر خارجہ شاہ محمود قریشی، چیئرمین سینیٹ صادق سنجرانی اور وفاقی وزیر فوادچودھری نے سینئر صحافی رحیم اللہ یوسف زئی کے انتقال پر گہرے دکھ اور افسوس کا اظہار کیا ہے۔