جنرل اسمبلی کا اجلاس، وزیراعظم کشمیر میں انسانی حقوق کی خلاف ورزیوں پر روشنی ڈالیں گے

اسلام آباد : وزیراعظم 24 ستمبر کو اقوام متحدہ کی جنرل اسمبلی سے خطاب کریں گے ۔ 

اقوام متحدہ میں پاکستان کے سفیر منیر اکرم نے کہا ہے کہ جنرل اسمبلی کے مباحثوں کا محور عالمی مسائل اور بعض  تنازعات کی صورتحال ہوگا ۔ 

پاکستان مقبوضہ کشمیر میں انسانی حقوق کی خلاف ورزیوں سے دنیا کو آگاہ کرے گا۔ 

منیر اکرم نے بتایا کہ وزیر خارجہ شاہ محمود قریشی اقوام متحدہ کی سیکریٹری جنرل سے ملاقات کریں گے ۔

شاہ محمود قریشی ہفتے کو کشمیر پر او آئی سی ورکنگ گروپ اجلاس میں بھی شرکت کریں گے ۔