اسلام آباد یونائیٹڈ نے ملتان سلطانز کو 3 وکٹوں سے شکست دے دی

تفصیلات کے مطابق  اسلام آباد یونائیٹڈ نے ملتان سلطانز کو 3 وکٹوں سے شکست دے دی، اسلام آباد یونائیٹڈ نے 151 رنز کا ہدف آخری اوور میں پورا کرلیا۔لوئس گریگری 49 رنز بناکر ناٹ آؤٹ رہے جبکہ  الیکس ہیلز نے 29، فہیم اشرف نے 22 رنز بنائے اور  فل سالٹ نے 13، حسین طلعت نے 10 رنز کا اضافہ کیا۔

ملتان سلطانز کی جانب سے  شاہد آفریدی اور کارلوس بریتھویٹ 2-2 شکار کیے جبکہ  محمد عمر اور خوشدل شاہ کے حصے میں 1-1 وکٹ آئی۔

واضح رہے کہ  اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا۔ملتان سلطانز نے پہلے کھیلتے ہوئے  8 وکٹوں کے نقصان پر 150 رنز بنائے ۔ملتان سلطانز نے اسلام آباد یونائیٹڈ کو جیت کے لیے 151 رنز کا ہدف  دیا تھا۔

ملتان سلطانز کی جانب سے محمد رضوان 71 رنز کے ساتھ ٹاپ سکورر رہے، رائلی روسو نے 25، جیمز ونس نے 16 رنز بنائے اور  کارلوس بریتھویٹ 22 رنز بناکر ناٹ آؤٹ رہے ہیں۔

اسلام آباد یونائیٹڈ کی جانب سے محمد وسیم نے 3 وکٹیں حاصل کیں جبکہ   لوئس گریگری نے 2 شکار کیے۔