وزیر اعظم کانئے چیئرمین نادرا کی تعیناتی کے عمل میں تاخیر کا نوٹس

تفصیلات کے مطابق وزیر اعظم عمران خان  کا چیئرمین نادرا کی تعیناتی کا عمل شروع نہ کرنے پر اظہار برہمی،وزیر اعظم نے حالیہ وفاقی کابینہ میں چیئرمین نادرا کی تعیناتی کا معاملہ اٹھایا۔

وزیر اعظم عمران خان نے کہا کہ   موجودہ چئیرمین نادرا کی مدت 7 فروری 2021 کو ختم ہورہی ہے۔ابھی تک نئے چیئرمین نادرا کی تعیناتی کا عمل شروع نہیں کیا گیا۔

وزیر اعظم نے وزارت داخلہ کو چیئرمین نادرا کی تعیناتی کا عمل فوری شروع کرنے کی ہدایت کردی۔ وزارت داخلہ نے یقین دہانی کرائی کہ  چئیرمین نادرا کے تقرر کا عمل فاسٹ ٹریک بنیادوں پر مکمل کیا جائے ۔

حکام کا کہنا ہے کہ لیگی حکومت نے 2015 میں عثمان مبین کو 3 سال کیلئے چئیرمین نادرا تعینات کیا تھا، لیگی حکومت نے جاتے جاتے 2018 میں عثمان مبین کی 3 سال کیلئے از سر نو تعیناتی کردی تھی۔