کابینہ کا کشمالہ طارق کے خلاف بڑا فیصلہ

تفصیلات کے مطابق  وفاقی کابینہ نے وزارت قانون کو ہدایت کی ہے کہ وہ  وفاقی محتسب برائے انسداد ہراسانی کشمالہ طارق کے ذاتی بنک اکاؤنٹ میں کروڑوں روپے کی منتقلی کی تحقیقات کرے۔ مس کنڈکٹ ثابت ہونے پر کشمالہ طارق کے خلاف قانونی کاروائی کی جائے۔نیب کو خواجہ آصف کے خلاف  آمدن سے زائد اثاثوں کی تحقیقات کے دوران 120 ملین روپے کے مشکوک لین دین کے بارے میں شواہد ملے تھے۔

30 دسمبر کو  مسلم لیگ (ن) کے رہنما خواجہ آصف کو اسلام آباد سے تحویل میں لیا گیا جہاں وہ پارٹی کے اجلاس میں شرکت کے لئے آئے تھے۔خواجہ آصف کے خلاف تفصیلی چارج شیٹ دیتے ہوئے نیب نے کہا کہ وہ مسلم لیگ (ن) کے رہنما کے خلاف نیب آرڈیننس 1999 کی شق 4 اور اینٹی منی لانڈرنگ ایکٹ 2010 کی دفعہ 3 کے تحت تحقیقات کر رہا ہے۔