پاک انگلینڈ سیریز منسوخ: انگلینڈ کی سابق خاتون کرکٹرز نے بھی پاکستان کی حمایت کر دی

تفصیلات کے مطابق پاکستان کرکٹ  بورڈ (ای سی بی )کے پاکستان کیساتھ سیریز ختم کرنے کے فیصلے پر   انگلینڈ کی سابق خاتون کرکٹرز نے بھی پاکستان کی حمایت کر دی ہے۔ انگلینڈ کی طرف سے پاکستان کیساتھ سیریز منسوخ کرنے پر انگلینڈ کی سابق خاتون کرکٹرز نے  مایوسی کا اظہار کیا ہے۔

سابق کرکٹر  ایبونی رینفورڈ اور شارلٹ ایڈورڈز نے کہا ہے کہ پاکستان کا ٹور اگر  واقعی سکیورٹی کی وجہ سے ختم ہوتا  تو  ہم اعتراض نہ کرتے، ای سی بی کے بیان میں کہیں بھی سیکیورٹی کو سیریز منسوخ کرنے کا جواز نہیں بنایا گیا، کھلاڑیوں کی ذہنی صحت کے باعث ٹور ختم کیا گیا جو کرکٹ سپِرٹ کے خلاف ہے۔

انگلینڈ ٹیم کے نائب کپتان جوز بٹلر نے بھی سیریز منسوخ ہونے پر افسوس کااظہار کیا ہے۔ برطانوی اخبار کو انٹرویو میں انہوں نے کہا ہے کہ وہ سیریز منسوخ ہونے کے بعد پاکستانی شائقین اور کھلاڑیوں کا دکھ سمجھ سکتے ہیں، انہوں نے 2022 میں انگلینڈ ٹیم کیساتھ پاکستان آنے کی امید ظاہر کی ہے۔