تبدیلی آنے کے لیے بہت وقت درکار ہے: سارہ خان

تفصیلات کے مطابق اداکارہ سارہ خان کے انٹرویو کی ایک ویڈیو کلپ وائرل ہورہی ہے،جس میں  اداکارہ پاکستان کی موجودہ حکومت کی کارکردگی کی تعریف کرتی ہوئی نظر آرہی ہیں۔

سارہ خان کا کہنا ہے کہ عمران خان نے وزیراعظم کا عہدہ سنبھالتے ہی وہ کام کر دکھایا ہے جو ماضی میں کوئی نہیں کرسکا،عمران خان نے اُن لوگوں کو بند کیا ہے جنہیں آج سے پہلے کوئی بند نہیں کرسکا۔

سارہ خان نے ایک واقعے کا ذکر کرتے ہوئے کہا کہ میں اپنے پراجیکٹ کے حوالے سے کہیں گئی ہوئی تھی تو وہاں میری ملاقات پاکستان تحریک انصاف کے کچھ رہنماؤں سے ہوئی۔

اداکارہ نے کہا کہ میں نے اُن سے پوچھا کہ آپ اتنے چھوٹے ہوٹل میں کیوں ٹھہرے ہوئے ہیں جبکہ میں تو اس طرح کے ہوٹل میں رُکنے کا سوچ بھی نہیں سکتی۔

پی ٹی آئی رہنماؤں نے جواب دیا کہ ہمیں وزیراعظم عمران خان کی طرف سے آرڈر ملے ہیں کہ فائیو اسٹار ہوٹل میں نہیں رُکنا کیونکہ یہ عوام کا پیسہ ہے۔

سارہ خان کا مزید کہنا تھا کہ ایک طویل فہرست ہے جس کی وجہ سے موجودہ حکومت تعریف کی مستحق ہے۔