انگلش فٹبالر مائیکل اوین کا پاکستان آنے کا اعلان

پاکستان فٹ بال لیگ نے مائیکل اوین کو ایمبسیڈر مقرر کردیا ہے۔

 انگلش فٹبال لیجنڈ کا کہنا ہے کہ 22 کروڑ کی آبادی والے پاکستان میں فٹ بال کیلئے بہت کچھ کیا جاسکتا ہے۔

انہوں نے مزید کہا کہ بہت جلد پاکستان آرہا ہوں، یہاں پہنچ کر لیگ کے ذریعے فٹ بال کو سپورٹ کروں گا۔

مائیکل اوین نے یہ بھی کہا کہ پروفیشنل فٹبال لیگ کا انعقاد درست سمت میں ایک قدم ہے۔

اُن کا کہنا تھا کہ میں یہ نہیں کہتا کہ پاکستان 10 سال میں ورلڈ چیمپئن بن جائے گا لیکن بہت کچھ بہتر ہوسکتا ہے۔

انگلش فٹ بال لیجنڈ نے کہا کہ پاکستان میں کرکٹ کی بڑی فالوونگ ہے مگر فٹ بال فینز بھی کم نہیں ہوں گے۔