خیبر پختونخوا نیشنل ٹی 20 کا فاتح بن گیا

تفصیلات کے مطابق لاہو رکے قذافی اسٹیڈیم میں خیبر پختونخوا  اور سینٹرل پنجاب کے درمیان فائنل میچ ہوا، خیبرپختونخوا نے فائنل میں سینٹرل پنجاب کو 7 وکٹوں سے شکست دیدی۔خیبرپختونخوا نے 149 رنز کا ہدف 3 وکٹوں کے نقصان  ر پورا کیا۔

سنٹرل پنجاب نے ٹیم کے پی کو 149 رنز کا ہدف دے دیا تھا،  سنٹرل پنجاب کی پوری ٹیم 148 رنز بنا کر آؤٹ ہوئی تھی۔

سنٹرل پنجا ب کی جانب سے احمد شہزاد نے 44 ، کامران اکمل 42 اور قاسم اکرم نے 20 رنز بنائےتھے۔کے پی کی جانب سے  افتخار احمد اور محمد عمران نے تین جبکہ ارشد اقبال نے دو کھلاڑیوں کو آؤٹ کیا تھا۔

خیال رہے کہ  خیبر پختونخوا نے  ٹاس جیت کر سنٹرل پنجاب کیخلاف فیلڈنگ کا فیصلہ کیا تھا۔

گزشتہ روز قذافی اسٹیڈیم میں کھیلے گئے ایونٹ کے پہلے سیمی فائنل میں خیبر پختونخوا نے ناردرن کو 5 وکٹ سے ہرا کر فائنل کے لیے کوالیفائی کیا تھا ۔دوسرے سیمی فائنل میں سینٹرل پنجاب نے سندھ کو 7 وکٹ سے شکست دے کر فائنل میں اپنی جگہ بنائی۔ خیبر پختونوخواہ نے ٹاس جیت کر پہلے بولنگ کا فیصلہ کیا جو کہ درست ثابت ہوا ۔