لسبیلہ: مسافر کوچ اُلٹنے سے 2 افراد جاں بحق، متعدد زخمی

جی این این کے مطابق تربت سے کراچی جانیوالی مسافر کوچ وندور کے قریب اُلٹ گئی جس کے نتیجے میں  2 افراد جاں بحق ہوگئے جبکہ  16 سے زائد  زخمی  ہوئے  ہیں ،حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو قریبی ہسپتال منتقل کردیا گیا ۔

ریسکیو ذرائع کے مطابق  زخمیوں میں  مرد و خواتین   شامل ہیں  جبکہ متعدد زخمیوں کی حالت تشویشناک ہے۔ 

کوچ میں تقریباً 60 افراد سوار تھے ، تمام زخمیوں کا تعلق بلوچستان کے مختلف علاقوں سے بتایا جارہا ہے۔ 

ریسکیوکے مطابق مسافر کوچ کو تیز رفتاری کے باعث حادثہ پیش آیا ۔