پاکستان ڈیموکریٹک موومنٹ کی اہم بیٹھک آج ہوگی

تفصیلات کے مطابق  اپوزیشن  جماعتوں کا اہم اجلاس آج مولانا فضل الرحمان کی صدارت میں  سہ پہر تین بجے مسلم لیگ ن سیکرٹریٹ میں ہوگا۔   ذرائع کے مطابق  اجلاس کا 6 نکاتی ایجنڈا ہوگا۔ اجلاس میں   ملک میں مہنگائی اور افراط زر کی صورتحال پر اہم فیصلے متوقع ہیں ۔

اجلاس میں ملک میں پٹرول، بجلی، گیس کی بڑہتی قیمتوں کے عوام پر اثرات پر بات ہوگی،انتخابی اصلاحات بالخصوص الیکٹرانک ووٹنگ مشینوں کے معاملہ پر لائحہ عمل تیار کیا جائے گا۔ 

 ذرائع کے مطابق  نیب آرڈیننس پر بھی تفصیلی غور و خوض کیا جائے گا جبکہ نومبر اور دسمبر میں پی ڈی ایم جلسوں کے شیڈول کو حتمی شکل دی جائے گی۔ موسم سرما میں کاروان مارچ کے شیڈول پر تبادلہ خیال  ہوگا ۔ 

واضح رہے کہ اپوزیشن جماعتوں پر مشتمل اتحاد پاکستان ڈیموکریٹک موومنٹ (پی ڈی ایم) نے مہنگائی کے خلاف ملک بھر میں مظاہروں کا اعلان کیا ہے۔ اپوزیشن اتحاد نے 12 ربیع الاول کے بعد حکومت کے خلاف مظاہروں کا اعلان کیا ہے جس کے تحت ہر ضلعی ہیڈکوارٹر میں مظاہرے ہوں گے۔