بجلی کی قیمت میں 2 روپے 65 پیسے فی یونٹ اضافے کا امکان

اسلام آباد: مہنگائی سے پہلے ہی ستائے ہوئے بجلی صارفین کو ایک اور بری خبر ہے کہ بجلی کی قیمت میں ممکنہ طور پر دو روپے اور 65 پیسے فی یونٹ اضافہ ہوسکتا ہے ۔ 

تفصیلات کے مطابق سنٹرل پاور پر چیزنگ ایجنسی ( سی پی پی اے ) نے ستمبر کی فیول ایڈ جسٹمنٹ کی مد میں بجلی مہنگی کرنے کی درخواست دائر کردی ہے ۔ جس پر نیشنل الیکٹرک پاور ریگولیٹری اتھارٹی ( نیپرا ) 27 اکتوبر کو سماعت کے بعد فیصلہ کرے گا۔

درخواست میں کہا گیا کہ ستمبر میں پانی سے36 اعشاریہ دو فیصد بجلی پیدا کی گئی اور کوئلے سے 17 اعشاریہ صفر پانچ فیصد بجلی پیدا کی گئی جبکہ مہنگے فرنس آئل سے پیدا ہونے والی بجلی کی لاگت 19 روپے 23 پیسے فی یونٹ رہی، مقامی گیس سے8اعشاریہ نو فیصد جبکہ درآمد ایل این جی سے 18 اعشاریہ نو فیصد بجلی پیدا کی گئی۔