ٹی ٹوئنٹی ورلڈ کپ : نیوزی لینڈ کا پاکستان کو جیت کیلئے135 رنز کا ہدف

تفصیلات کے مطابق ٹی ٹوئنٹی ورلڈکپ  کے گروپ میچ میں پہلے کھیلتے ہوئے نیوزی لینڈ نے پاکستنان کو 135 رنز کا ہدف دے دیا ہے۔

نیوزی لینڈ کی  پاکستان کے خلاف پہلی وکٹ  36 رنز پر گر ی،  مارٹن گپتل 17 رنز بنا کر آؤٹ ہو گئے۔ نیوزی لینڈ کی جانب سے   ڈیرل مچل 27 رنز بنا کر آؤٹ ہو ئے، جِمی نیشم 1 رن بنا کر آؤٹ ہو گئے۔

نیوزی لینڈ کی پاکستان کے خلاف چوتھی وکٹ  90 رنز پر گری،  کین ولیمسن 25 رنز بنا کر رن آؤٹ ہو ئے، ڈیون کونوے 27 رنز بنا سکے، جبکہ  گلین فلپس 13 رنز  اور  ٹِم سائفرٹ 8 رنز بنا کر آؤٹ ہو گئے۔

پاکستان کی جانب سے حارث روف نے  4 وکٹیں لیں، جبکہ شاہین آفریدی، محمد حفیظ اور عماد وسیم نے ایک ایک وکٹ لی۔

خیال رہے کہ  پاکستان نے  ٹاس جیت کر نیوزی لینڈ کے خلاف فیلڈنگ کا فیصلہ کیا تھا۔قومی ٹیم کے کپتان بابر اعظم کا کہنا تھا کہ  بھارت کے خلاف میچ کی اچھی پرفارمنس کا سلسلہ برقرار رکھنے کی کوشش کریں گے، قومی ٹیم نے نیوزی لینڈ کے خلاف میچ کیلئے ٹیم میں کوئی تبدیلی نہیں کی ۔

نیوزی لینڈ کے فاسٹ باؤلر لوکی فرگوسن انجری کے باعث ٹورنامنٹ سے باہر ہو گئے ہیں۔