ٹی ٹوئنٹی ورلڈ کپ: جنوبی افریقہ نے ویسٹ انڈیز کو شکست دیدی

تفصیلات کے مطابق  ٹی 20 ورلڈ کپ کے گروپ میچ میں جنوبی افریقہ نے ویسٹ انڈیز کو  8 وکٹوں سے شکست دے دی۔ ویسٹ انڈیز نے مقررہ اوورز میں میں 8 وکٹوں کے نقصان پر 143 رنز بنائے تھے۔

ویسٹ انڈیز کی جانب سے ایون لوئس نے 56 رنز بنائے تھے،  لیندل سیمنز نے  16 رنز بنا ئے،  نکولسن پورن 12 رنز بنا کر پویلین لوٹ گئے، کرس گیل نے 12 رنز بنائے، کیرون پولارڈ 26 رنز بنا کر چلتے بنے۔ ویسٹ انڈیز کی جانب سے واحد وکٹ اکیل حسین نے حاصل کی۔

 جنوبی افریقہ نے  144 رنز کا ہدف دو وکٹوں کے نقصان پر 18 اوورز میں حاصل کرلیا، ریزا ہینڈرکس نے 39 رنز کی اننگز کھیلی۔ کپتان ٹیمبا باووما 2 رنز پر رن آؤٹ ہوئے، وینڈر ڈوسن 34 اور ایڈن مرکرام 31 رنز کے ساتھ ناٹ اْؤٹ رہے۔

جنوبی افریقہ کی جانب سے  ڈیوین پریٹوریس نے تین کھلاڑیوں کو پویلین کی راہ دکھائی، کیشو مہاراج نے دو وکٹیں حاصل کیں۔