نمیبیا نے اسکاٹ لینڈ کو 4  وکٹوں سے  شکست دیدی

 ٹی ٹوینٹی ورلڈ کپ کے سپر 12 مرحلے میں شیخ زید اسٹیڈیم میں کھیلے جانے والے میچ میں  نمیبیا نے اسکاٹ لینڈ کو 4 وکٹوں سے  شکست دے دی۔ نمیبیا نے 110 رنز کا ہدف آخری اوور میں حاصل کرلیا۔

نمیبیا کی جانب سے  جے جے سمت نے 32 رنز بنائے ، کریگ ولیمز نے 23 اور  مائیکل وین نے 18 رنز اسکور کیے۔

اسکاٹ لینڈ کی جانب سے لیسک نے دو کھلاڑیوں کوآوٹ کیا  ، شریف، گریوز اور واٹ ایک، ایک وکٹ حاصل کرسکے۔

قبل ازیں اسکاٹ لینڈ نے  پہلے بیٹنگ کرتے ہوئے مقررہ اوورز میں 8 وکٹوں کے نقصان پر 109 رنز بنائے تھے۔

اسکاٹ لینڈ کی جانب سے  مائیکل لیسک 44، کرس گریوز 25 رنز کے ساتھ نمایاں رہے تھے، اسکاٹش ٹیم کے ٹرمپل مین نے تین کھلاڑیوں کوآوٹ کیا فرائے لنک نے دو، سمت اور ڈیوڈ ویزے نے ایک، ایک وکٹ حاصل کی تھی۔