آرمی چیف کا سدرن کمانڈ ملتان کا دورہ، آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  آرمی چیف جنرل قمر جاوید باجوہ نے سدرن کمانڈ ملتان کا دورہ کیا ہے ، سپہ سالار کو فارمیشن کی آپریشنل تیاریوں، تربیتی امور اور انتظامی معاملات پر بریفنگ دی گئی۔ 

آئی ایس پی آر کے مطا بق  آئی ایس آر ، ائیر ڈیفنس ، سائبر اور میکنیشن سمیت پاک فوج کی استعداد پر توجہ دے رہے ہیں۔

آرمی چیف جنرل قمر جاوید باجوہ نے کہا کہ  چیلنجز کے باوجود ہمارا فوکس پاک فوج کی استعداد میں اضافہ ہے ۔

ترجمان پاک فوج کا کہنا ہے کہ  آرمی چیف نے کوٹ عبدالحکیم  میں اسٹرائیک کور کے دستوں کی تربیت کا  بھی معائنہ کیا۔ آرمی چیف نے جوانوں کے جوش و جذبہ اور پیشہ وارانہ معیار کو سراہا۔

آرمی چیف جنرل قمر جاوید باجوہ نے کہا کہ  پاک فوج تربیت یافتہ اور جنگی امور کا تجربہ رکھنے والی فوج ہے،  پاک فوج ملک کو درپیش کسی بھی چلینج کا مقابلہ کر سکتی ہے،  چینلنجز کے باوجود روایتی جنگی صلاحیتوں پر توجہ مرکوز کیے ہوئے ہیں، جدید ٹیکنالوجی سے لیس تربیت یافتہ فوج ہی ملک کا دفاع کر سکتی ہے۔