ٹی ٹوئنٹی ورلڈ کپ : ویسٹ انڈیز نے بنگلا دیش کو 3  رنز سے ہرا دیا

آئی سی سی ٹی ٹوئنٹی ورلڈکپ  کے میچ میں بنگلہ دیش کی ٹیم ویسٹ انڈیز کی جانب سے دیے جانے والے 143 رنز کے تعاقب میں مقررہ اوورز میں 5 وکٹوں کے نقصان پر 139 رنز بناسکی۔

بنگلہ دیش کی جانب سے  شکیب الحسن 9، اوپنر محمد نعیم 17 رنز بنا کر پویلین لوٹ گئے، مشفیق الرحیم 8 اور سومیا سرکار 17 رنز بناسکے،  لٹن داس کی 44 اور کپتان محمود اللہ کی 31 رنز کی ناٹ آؤٹ اننگز بھی بنگلہ دیش کو شکست سے نہ بچاسکی۔

ویسٹ انڈیز کی جانب سے روی رامپال، جیسن ہولڈر، آندرے رسل نے ایک، ایک وکٹ حاصل کی۔

قبل ازیں  دفاعی چیمپئن ویسٹ انڈیز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 142 رنز اسکور کیے تھے۔ نکولس پوران نے 40 رنز بنائے جبکہ  روسٹن چیز39 رنز کے ساتھ نمایاں رہے۔

بنگلہ دیش کی جانب سے مستفیض الرحمان ، مہدی حسین اور اسلام نے دو، دو وکٹیں حاصل کیں۔