پاکستان ٹیم اس وقت اپنے تیز ترین ٹریک پر ہے : سنجے منجریکر

دبئی : بھارت کے سابق کرکٹر اور کمنٹیٹر سنجے منجریکر کا کہنا ہے کہ پاکستان ٹیم اس وقت اپنے تیز ترین ٹریک پر ہے ۔ 

سنجے منجریکر نے ٹی 20 ورلڈ کپ میں پاکستان ٹیم اور کپتان بابراعظم کی بہترین کارکردگی کی تعریف کی ہے ۔ 

انہوں نے پاکستان کی نیمبیا کے خلاف فتح پر بات کرتے ہوئے کہا کہ پاکستانی شائقین اپنی ٹیم کی غیر معمولی مستقل مزاجی کو دیکھ کر حیران ہوں گے ۔ 

سنجے منجریکر کا کہنا تھا کہ پاکستان ٹیم اس وقت اپنے تیز ترین ٹریک پر ہے، اس نے نہ صرف بھارت کے خلاف بلکہ مسلسل مضبوط طریقے سے اپنے ٹارگٹ حاصل کیے ہیں۔

سابق کرکٹر نے کہا کہ پاکستانی بولرز نے ٹورنامنٹ میں بہترین کارکردگی دکھائی جب کہ اسپنرز نے بہت زیادہ وکٹیں لیں اور بہت اسمارٹ بولنگ کی۔

سنجے منجریکر نے شاہین آفریدی کو ایونٹ کا بہترین بولر قرار دیتے ہوئے کہا کہ پاکستان کی بولنگ زبردست نظر آرہی ہے، عماد وسیم اور شاداب باصلاحیت اسپنرز ہیں، انہیں پتا ہےکہ بال کو کس جگہ ڈالنا ہے۔