لیجنڈری عرب گلوکار صباح فخری انتقال کرگئے 

غیرملکی خبررساں ادارے کے مطابق نامور گلوکار صباح فخری کی عمر 88 برس تھی اور ان  کا انتقال منگل (2 نومبر) کو ہوا۔امریکی خبر رساں ادارےکے مطابق صباح فخری کے انتقال کی وجہ تاحال معلوم نہیں ہوسکی ۔ 

صباح ابو قوس 1933 میں شام کے شہر حلب میں پیدا ہوئے تھے، انہوں نے کم عمری  میں ہی اسٹیج پر پرفارم کرنا شروع کیا تھا اور کافی  شہرت پائی ۔ وہ طربیہ گانے کے شوقین تھے اور جلد ہی ان کا شمار عرب دنیا کےغیر معمولی  فنکاروں میں ہونے لگا ۔  طربیہ یہ موسیقی کی ایک عربی شکل ہے جس کا تعلق جذبات سے  ہے اور  کئی گھنٹوں جاری رہ سکتی ہے۔

صباح فخری  اسٹیج پر سامعین کو محظوظ کرنے کا فن جانتے تھے ، وہ تقریباً ایک ٹرانس میں موسیقی پر جھومتے، وہ اپنے گانوں کے بولوں کو اکثر کلاسیکی عربی میں اس طرح تبدیل کردیتے تھے کہ سننے والے آسانی سے ان کے ساتھ گا سکتے ہیں۔

فخری نے شام کے دارالحکومت حلب اور دمشق میں موسیقی اور گانے کی تعلیم حاصل کی، انہوں نے عرب دنیا میں مختلف اعزازات حاصل کیے اور وہ شامی فنکاروں کی سنڈیکیٹ کے سربراہ تھے۔

 1968 میں وینزویلا کے دارالحکومت کاراکاس میں منعقد ہونے والے ایک کنسرٹ میں بغیر کسی وقفے کے 10گھنٹے تک پرفارم کرکے  گینز ورلڈ ریکارڈ قائم کیا تھا ۔ 

صباح فخری نے پسماندگان میں چار بیٹے چھوڑے ہیں  جن میں سے  ایک گلوکار بھی ہیں۔