محمد حفیظ دورہ بنگلادیش سے دستبردار 

ذرائع کے مطابق ٹی ٹوئنٹی ورلڈکپ کے بعد شیڈول دورہ بنگلا دیش میں سینئر آل راؤنڈر محمد حفیظ اس ٹور کیلئے نوجوانوں کو موقع فراہم کرنا چاہتے ہیں۔

ذرائع کا کہنا ہے کہ محمد حفیظ نے دورہ بنگلا دیش سے دستبرداری سے متعلق بورڈ کو آگاہ کردیا ہے جس کے بعد ان کی جگہ اب کسی اور کو اسکواڈ کا حصہ بنایا جاسکتا ہے۔

قومی کرکٹ ٹیم بنگلا دیش میں 2 ٹیسٹ اور 3 ٹی ٹوئنٹی میچز کی سیریز کھیلے گی جب کہ  دونوں ٹیموں کے درمیان  پہلا ٹی ٹوئنٹی 19 نومبر کو کھیلا جائے گا۔