تمام تعلیمی ادارے اور نجی دفاتر اب  ہفتے میں تین روز  چھٹی کریں گے

تفصیلات کے مطابق  پنجاب حکومت  کا سموگ کی روک تھام کیلئے بڑا فیصلہ،  لاہور میں  تمام تعلیمی ادارے اور نجی دفاتر  میں ہفتہ اور اتوار کے علاوہ   پیر کی بھی چھٹی  کا حکم جاری کردیا گیا۔ لاہور کی حدود میں  موجود تمام تعلیمی اداروں اور نجی دفاتر   اب  ہفتے میں تین روز  چھٹی کریں گے۔

حکمنامہ پنجاب  نیشنل کلائمیٹز پری ونیشن اینڈ  ریلیف ایکٹ کے تحت جاری کیاگیاہے ،اس حوالے سے نوٹی فکیشن جاری کردیا گیا ہے۔ 

نوٹیفکیشن کے مطابق  نجی دفاتر کا عملہ کورونا وبا کی طرح سوموار کے روز گھر میں بیٹھ کر آن لائن کام کریں گے،  پیرکی چھٹی کے دوران تعلیمی اداروں کو  طلبہ  کی آن  لائن   کلاس جاری  رکھنے  کا حکم دیا گیا ہے۔

  پنجاب حکومت کا نیا حکم نامہ  27 نومبر  سے15 جنوری تک  نافذ العمل رہے گا۔ پیر کے روز  چھٹی  کا نوٹی فکیشن  ریلیف  کمشنر پنجاب   بابر حیات  تارڑ نے جاری  کیاہے ،   تعلیمی اداروں اور  نجی دفاتر میں پیر کی چھٹی کا فیصلہ  صوبائی کابینہ کے اجلاس میں کیاگیا۔