شاہنواز دھانی کی ڈیبیو میچ پر کونسی خواہش پوری نہ ہوسکی؟

سماجی رابطے کی ویب سائٹ ٹوئٹر پر پی سی بی کی جانب سے ایک ویڈیو شیئر کی گئی ہے جس میں شاہنواز دھانی کو میچ سے قبل اپنی والدہ سے بات کرتے دکھایا گیا ہے۔

والدہ سے ویڈیو کال پر گفتگو کرتے ہوئے شاہنواز دھانی نے ڈیبیو پر محسوس کی جانے والی خوشی کا اظہار کیا اور ڈھیروں دعائیں بھی لیں۔

دھانی نے کہا کہ آج میرا ڈبییو میچ ہے اور میں اتنا پرجوش ہوں کہ پوری رات مجھے نیند نہیں آئی، ملک کے لیے کھیلنے  کا ہر کھلاڑی انتظار کرتا ہے، مجھے آج کے دن کا انتظار تھا، میرا خواب پورا ہونے جا رہا ہے۔

Update: @ShahnawazDahani to make his T20I debut today against Bangladesh.
He becomes Pakistan T20I player No.95.#HarHaalMainCricket | #BackTheBoysInGreen | #BANvPAK pic.twitter.com/X6FzHnTBKC

— Pakistan Cricket (@TheRealPCB) November 22, 2021

اس دوران دھانی نے اپنی خواہش کا اظہار کرتے ہوئے کہا کہ میں اپنے گھر والوں کے سامنے ڈیبیو کرتا مگر بنگلا دیش میں ہونے کی وجہ سے گھر والوں کے سامنے ڈیبیو ممکن نہیں ہو سکا۔

ان کا مزید کہنا تھا کہ میں نے ہر سطح پر محنت کی ہے، لاڑکانہ کا پہلا کھلاڑی بننے جارہا ہوں، یہ میرے لیے اور لاڑکانہ کے لیے قابل فخر بات ہے، میں ڈیبیو میچ میں مین آف دی میچ بننا چاہتا ہوں۔