’ تعلیمی ادارے کھلے رہیں گے‘

تفصیلات کے مطابق  آل پاکستان پرائیویٹ سکولز فیڈریشن  نے سموگ کے حوالے سے سکولزبند کرنے کی تجاویز مسترد کردیں ہیں ۔ صدرآل پاکستان پرائیویٹ سکولز فیڈریشن کا کہنا ہے کہ  تعلیمی ادارے کھلے رہیں گے۔ اسموگ کے تدارک  کیلئے لاہور، فیصل آباد، گوجرانوالہ اور ملتان میں اوقات کار پہلے ہی تبدیل کردئیے ہیں۔

قبل ازیں  پنجاب حکومت نے سموگ کی روک تھام کیلئے بڑا فیصلہ کیا تھا،حکومت نے لاہور میں تمام تعلیمی اداروں اور نجی دفاتر  میں ہفتہ اور اتوار کے علاوہ   پیر کی بھی چھٹی  کا حکم جاری کردیا گیا۔ لاہور کی حدود میں  موجود تمام تعلیمی اداروں اور نجی دفاتر  اب  ہفتے میں تین روز  چھٹی کریں گے۔

حکمنامہ پنجاب  نیشنل کلائمیٹز پری ونیشن اینڈ  ریلیف ایکٹ کے تحت جاری کیاگیاہے ،اس حوالے سے نوٹی فکیشن جاری کردیا گیا ہے۔ 

نوٹیفکیشن کے مطابق  نجی دفاتر کا عملہ کورونا وبا کی طرح سوموار کے روز گھر میں بیٹھ کر آن لائن کام کریں گے،  پیرکی چھٹی کے دوران تعلیمی اداروں کو  طلبہ  کی آن  لائن   کلاس جاری  رکھنے  کا حکم دیا گیا ہے۔

  پنجاب حکومت کا نیا حکم نامہ  27 نومبر  سے15 جنوری تک  نافذ العمل رہے گا۔ تعلیمی اداروں اور  نجی دفاتر میں پیر کی چھٹی کا فیصلہ  صوبائی کابینہ کے اجلاس میں کیاگیا۔