ہماری حکومت کی سب سے بڑی غلطی ہے کہ  نواز شریف کو باہر جانے دیا،فیصل واوڈا

جی این این کے  پروگرام "خبرہے" میں گفتگو کرتے ہوئے رہنما تحریک انصاف سینیٹرفیصل واوڈا نے کہا کہ  ہر بار پکڑے جانے پر نواز شریف کوسعودی عرب  یا لندن بھیج دیا جاتا ہے،  کبھی کسی پاپڑ والے کے اکاؤنٹ سے پیسے نکلتے ہیں کبھی کسی اور کےاکاؤنٹ سے۔

فیصل واوڈا نے کہا کہ  ن لیگ ہمیشہ عدلیہ اور فوج پر تنقید کرتی  ہے، ہماری حکومت کی سب سے بڑی غلطی ہے کہ  نواز شریف کو باہر جانے دیا،  ہم نےہمدردی کا مظاہر ہ کیا  لیکن سانپ نےباہر جاکر وہی کیا جو ہمیشہ کرتا ہے۔  پاکستان میں  مختلف کیسز پر ہمیشہ سے تماشا ہوتا رہا ہے،  ن لیگ اداروں پر حملے آج نہیں ماضی میں بھی  کرتی رہی ہے،  ناکامی سسٹم اور اداروں کی ہورہی ہے۔

رہنما تحریک انصاف نے پروگرام میں کہا کہ  انہوں نےاداروں میں سیاسی بھرتیاں کیں  اس لئےلوگ ان کو سپورٹ کرتے ہیں، کیسز کی پیشیوں سے پہلے تماشے شروع ہوجاتے ہیں۔ جب بھی  اپوزیشن کے پاس  گئےتو کہتےہیں قانون سازی  کےبجائے ہمارے کیسز ختم کرو،  اس ملک میں جو نظام ہے وہ چور، لٹیرے اور قاتلوں کی لئے ہے۔

فیصل واوڈا کا کہنا تھا کہ  ویڈیوز بلکل آئیں جس میں جج ان سے معافی مانگ رہے تھے لیکن وہ جج نواز شریف کے ہی لگائے ہوئے تھے،  جو آڈیوٹیپ  آئی ہے اس کا فرانزک ہونا چاہیے،  اگر آڈیو غلط ہے تو پھر عبرتناک سزا ہونی چاہیے، ججزکیخلاف سازش کی جارہی ہے کہ عوام کاعدلیہ سے یقین اٹھ جائے۔انہوں نے مزید کہا کہ  70سالہ  گند صاف کرنےکیلئے اچھی ٹیم اورطاقت ور حکومت کی ضرورت ہے، وزیراعظم سےکہا ہے کہ  بزدل اورمنافق  لوگوں سے بچیں۔