Advertisement

محمد عامر کورونا سے صحت یاب ، ٹی 10لیگ میں واپسی

فاسٹ بولر محمد عامر نے کورونا سے صحت یاب ہونے کے بعد   ٹی 10 لیگ  میں ٹیم بنگلا ٹائیگرز کو جوائن کرلیا۔

GNN Web Desk
شائع شدہ 5 سال قبل پر نومبر 24 2021، 2:05 شام
ویب ڈیسک کے ذریعے
محمد عامر  کورونا سے صحت یاب ، ٹی 10لیگ    میں  واپسی

تفصیلات کے مطابق فاسٹ بولر محمد عامر ابوظہبی ٹی 10 لیگ میں واپسی کے لیے تیار ہیں . محمد عامر نے گزشتہ ہفتے سماجی رابطے کی ویب سائٹ ٹوئٹر پر اپنے مداحوں کو کورونا وائرس میں مبتلا ہونے کی اطلاع دیتے ہوئے کہا تھا کہ وہ اس سال ٹی 10 لیگ میں حصہ نہیں لیں گے ۔

 

تاہم اب وہ کورونا سے مکمل طور پر صحتیاب ہوگئے ہیں جس کے بعدانہوں نے ابو ظبی میں جاری ٹی 10 لیگ میں بنگلا ٹائیگرز  کے کیمپ کو جوائن کرلیا ہے۔

محمد عامر نے ٹوئٹر پر ایک ویڈیو جاری کی جس میں وہ ٹی 10 لیگ میں شامل بنگلا ٹائیگرز کی ٹیم میں پریکٹس کرتے دکھائی دے رہے ہیں۔

 

ابوظہبی ٹی 10 لیگ کے پانچویں سیزن میں شرکت کے بعد محمد عامر سری لنکا جائیں گے۔ وہ لنکا پریمیئر لیگ (ایل پی ایل) کے دوسرے ایڈیشن میں گال گلیڈی ایٹرز کے لیے کھیلیں گے۔ 

ابوظہبی ٹی 10

خیال رہے کہ امارات کرکٹ بورڈ کے زیر اہتمام کرکٹ کے تیز ترین فارمیٹ ابوظہبی ٹی 10 لیگ میں  کھیلا جارہا ہے ۔  یہ ٹورنامنٹ 4 دسمبر کو اختتام پذیر ہوگا ۔ ٹورنامنٹ میں فائنل سمیت 35 میچز کھیلے جائیں گے۔

ٹورنامنٹ میں شامل 6 ٹیموں میں دفاعی چیمپئن ناردرن واریئرز، دکن گلیڈی ایٹرز، دہلی بلز ، بنگلہ ٹائیگرز ، چنائی بریوز اور ٹیم ابوظہبی شامل ہیں۔

ابوظہبی ٹی 10 دنیا کا واحد دس اوور کرکٹ ٹورنامنٹ ہے جسے بین الاقوامی کرکٹ کونسل (آئی سی سی) نے باضابطہ طور پر منظور کیا اور امارات کرکٹ بورڈ (ای سی بی) کے ذریعہ لائسنس یافتہ ہے۔

ٹی 10 کرکٹ

ٹی 10 کرکٹ کا تیز ترین فارمیٹ ہے اور اس کے تمام میچز 10 , 10اوورز پر مشتمل ہوتے ہیں اور اس کا دورانیہ 45 منٹ جبکہ مجموعی طور پر 90 منٹ کا کھیل کھیلا جاتا ہے۔ اس میں ایک رائونڈ رابن ہوتا ہے جس کے بعد سیمی فائنل اور فائنل ہوتا ہے۔ٹورنامنٹ کے پانچویں ایڈیشن میں مراٹھا عربینز، لاہور قلندرز اور پونے ڈیولز کی جگہ دی چنائی بریوز کے نام سے ایک نئی ٹیم شامل کی گئی۔

Advertisement
رجحانات
Advertisement