سعودی عرب : سیمنٹ نگل کر خودکشی کی کوشش کرنیوالے پاکستانی شہری کوبچا لیا گیا

سعودی میڈیا کے مطابق  پاکستانی کارکن نے مبینہ طور پر خودکشی کی کوشش کرتے ہوئے سیمنٹ کا لیپ کھا لیا تھا اور اس کے معدے میں سیمنٹ کی تہہ بن گئی تھی۔ شدید درد کے عالم میں اسے علاج کے لیے ہسپتال کے ایمرجنسی وارڈ لے جایا گیا ۔

کنگ عبدالعزیز اسپتال کے طبی عملے نے غیر ملکی کارکن کے مختلف ایکسرے لیے اور فوری آپریشن کا فیصلہ کیا اور مسلسل  تین گھنٹے تک آپریشن جاری رہا۔

میڈیکل ذرائع نے بتایا کہ ’ڈاکٹروں کی ٹیم نے معدے سے سیمنٹ کی تہہ صاف کر دی۔ سیمنٹ اس کی آنتوں میں جم گیا تھا ‘۔ سعودی میڈیا کے مطابق 30 سالہ پاکستانی شہری کی حالت اب خطرے سے باہر ہے ۔