ڈونلڈ ٹرمپ نے 2024 میں الیکشن لڑنے کا اشارہ دے دیا

غیر ملکی خبر رساں ادارے کے مطابق  امریکا کے سابق صدر ڈونلڈ ٹرمپ نے نئی سیاسی جماعت بنانے کی اطلاعات کی تردید کرتے ہوئے 2024 میں الیکشن لڑنے کا اشارہ دے دیا۔امریکا کے سابق صدر ڈونلڈ ٹرمپ وائٹ ہاؤس سے رخصتی کے بعد فلوریڈا میں پارٹی کے کنونشن میں نمودار ہوئے ، بڑے مجمع کو دیکھ کر ٹرمپ پھر جذباتی ہو گئے اور الیکشن  میں فراڈ کے دعوے دہرائے ۔

  نئی سیاسی جماعت بنانے کے ارادوں کی تردید کی اور کہا کہ بائیڈن پہلے ہی ماہ میں امریکا کے لیے تباہ کن ثابت ہوئے ۔ میں تیسری بار ان کا مقابلہ کرنے کا فیصلہ کر سکتا ہوں ۔ٹرمپ نے اپنی شکست کا ذمہ دار واشنگٹن کی اسٹیبلشمنٹ کو قرار دیتے ہوئے اس کا مقابلہ کرنے کا اعلان کیا ۔

ری پبکن پارٹی کے کنونشن میں شریک کارکنوں میں 55 فیصد نے کہا کہ ٹرمپ اگر دوبارہ صدارتی الیکشن میں آئے تو وہ انہیں ووٹ دیں گے ۔ 24 فیصد نے فلوریڈا کے گورنر کو صدارتی امیدوار بنانے کی حمایت کی ۔