سینیٹ انتخابات، اتحادیوں نے حفیظ شیخ کی حمایت کا اعلان کر دیا

تفصیلات کے مطابق سینٹ انتخابات سے متعلق میڈیا ست گفتگو کرتے ہوئے  وزیر خزانہ حفیظ شیخ کا کہنا تھا کہ  میں آج سب کو خوشخبری دینا چاہتا ہوں کہ اتحادیوں نے سینیٹ الیکشن میں مدد کرنے کا وعدہ کیا ہے،میں اپنی پارٹی کی قیادت اور باقی اتحادی پارٹی کی قیادت کا شکرگزار ہوں۔ میرا خاندان  70سال سےسیاست اورپبلک سروس میں ہے۔ہم چاہتے ہیں کہ سینیٹ انتخابات اچھے انداز سے ہوں اور گند نہ اچھالا جائے۔ہماری پوری کوشش ہے کہ پاکستان خوشحال ملک ہو اور پاکستان کے عوام کی عزت پوری دنیا میں ہو۔ 

ایم کیو ایم سے تعلق رکھنے والے امین الحق کا کہنا ہے کہ ایم کیو ایم پاکستان حکومت پاکستان کی سب سے بڑی اتحادی جماعت ہے۔کچھ دن قبل پی پی کا وفد بھی ہمارے مرکز آیا تھا۔پی پی نے سینیٹ الیکشن مل کرلڑنے کی پیشکش کی تھی۔لیکن آج ہم نے فیصلہ کیا کہ ایم کیو ایم پی ٹی آئی کے ساتھ کھڑی ہے۔ہم نے حفیظ شیخ کے سامنے سندھ کا مقدمہ رکھا ہے۔ایم کیو ایم وفاقی حکومت میں تحریک انصاف کے ساتھ ہے۔22اگست کے بعد سے یہ مختلف ایم کیو ایم ہے ۔مختلف اراکین سندھ اسمبلی کو ڈرایا جارہا ہے۔ سندھ میں بھی ہم اتحادی جماعتیں مل کرسینیٹ الیکشن لڑرہی ہیں۔سندھ حکومت نے 13 سال میں کراچی کیلئے 13 بسیں نہیں دیں اور پیپلزپارٹی نے سندھ اورکراچی کو تباہ کردیاہے۔ایم کیوایم نے کسی بھی معاملے پر وزارت کی بات نہیں کی، ہمیشہ شہری ترقی کی بات کی ہے جبکہ سندھ کےشہری علاقوں کےمسائل کاحل چاہتےہیں۔

فہمیدہ مرزا کا کہنا تھا کہ ہر مرحلے پر حکومت کے ساتھ کھڑے ہیں، ہم اس وقت حکومت کا حصہ ہیں جبکہ طارق بشیر چیمہ  نے کھل کر حمایت کرتے ہوئے کہا کہ آج تمام اتحادی جماعتیں اکٹھی ہوئی ہیں ۔