سربراہ RSS نے فریب آمیز بیان پہلی بار نہیں دیا: دفترِ خارجہ

ترجمان دفترِ خارجہ عاصم افتخار نے جاری کیئے گئے بیان میں کہا ہے کہ پاکستان بھارتی انتہا پسند تنظیم آر ایس ایس کے سربراہ کے بیان کی سختی سے مذمت کرتا ہے۔

ان کا کہنا ہے کہ پاکستان کئی بار ’ہندو توا‘ نظریے سے علاقائی امن و استحکام کو لاحق خطرات اجاگر کر چکا ہے۔ 

ترجمان دفتر خارجہ نے کہا کہ بھارت دنیا بھر میں موجود اقلیتوں بالخصوص مسلمانوں کے حقوق کو غصب کر رہا ہے۔

ان کا مزید کہنا ہے کہ پاکستان نے بھارت کے تسلط پسندانہ اقدامات کی مسلسل مخالفت کی ہے۔

دفترِ خارجہ کے ترجمان عاصم افتخار کا یہ بھی کہنا ہے کہ بی جے پی اور آر ایس ایس اشتعال انگیز اور غیر ذمے دارانہ بیانات سے گریز کریں۔