الیکشن کمیشن نے این اے 133 میں ووٹ خریدنے سے متعلق نوٹس لےلیا

ذرائع کے مطابق ریٹرننگ افسر نے ڈپٹی کمشنر لاہور  اور آئی جی پنجاب پولیس کو مراسلہ بھیج کر 30 نومبر تک معلومات طلب کرلیں، اس سلسلے میں چیئرمین نادرا اور چیئرمین پیمرا کو بھی مراسلہ بھیجا گیا ہے۔

ریٹرننگ افسر نے ہدایت کی ہے کہ ڈی سی لاہور اور آئی جی ویڈیو میں موجود افراد کی شناخت کرائیں اور  ویڈیو میں موجود افراد کا مکمل بائیو ڈیٹا فراہم کریں، اس عمارت کی بھی شناخت کریں جہاں یہ غیرقانونی اقدام ہوا اور  غیرقانونی حرکات میں ملوث شخص کو گرفتارکریں۔

خیال رہے کہ لاہور سے قومی اسمبلی کے حلقہ این اے 133 میں ہونے والے ضمنی الیکشن سے قبل سیاسی جماعتوں کی جانب سے ووٹرز سے  حلف لیکر ووٹ خریدنے کے الزامات سامنے آئے ہیں۔