پاکستان اور ویسٹ انڈیز کے درمیان سیریز سے قبل پی سی بی کے بڑوں کی اہم بیٹھک

تفصیلات کے مطابق اجلاس میں گفتگو کرتے ہوئے پی سی بی حکام نے افریقہ میں کورونا کے نئے ویرینٹ اومی کرون کی وجہ سے براڈ کاسٹرز کو پاکستان میں لے کر آنے کے حوالے سے مختلف امور پر غور کیا۔

خیال رہے کہ براڈ کاسٹرز کا تعلق جنوبی افریقہ، نائجیریا اور افریقہ کے مختلف علاقوں سے ہیں۔

ترجمان پی سی بی کا کہنا ہے کہ جنوبی افریقہ، نائجیریا سے تعلق رکھنے والے براڈ کاسٹرز زیادہ تر دبئی، بنگلہ دیش میں موجود ہیں۔

ان کا کہنا تھا کہ براڈ کاسٹرز سے بات ہوگئی ہے وہ پاکستان آنے کو تیار ہیں۔

ترجمان پی سی بی کا مزید کہنا تھا کہ پاکستان اور ویسٹ انڈیز کی سیریز کو کوئی خطرہ نہیں،سیریز شیڈول کے مطابق ہوگی۔

یاد رہے کہ پاکستان نے کورونا وائرس کے نئے ویرینٹ سامنے آنے کے بعد افریقی ممالک پر سفری پابندی لگا رکھی ہے۔