2 غیر ملکی کھلاڑی کورونا کا شکار ، پی ایس ایل میچز شیڈیول کے مطابق جاری رکھنے کا اعلان

پاکستان کرکٹ بورڈ (پی سی بی) کے ڈائرکٹر میڈیا سمیع الحسن برنی نے پریس کانفرنس کرتے ہوئے بتایا کہ پاکستان سُپر لیگ (پی ایس ایل) کے سیزن 6 کا کوئی میچ ملتوی نہیں ہوگا، میچز شیڈول کے مطابق ہوں گے۔انہوں نے کہا کہ گزشتہ روز کھلاڑیوں سمیت  244 افراد کے کورونا ٹیسٹ کی گئے جس کے بعد آج تین افراد کی ٹیسٹ رپورٹ مثبت آئی ہے ۔ جن میں 2 غیر ملکی کھلاڑی اور  1سپورٹنگ سٹاف شامل ہے ۔ انہوں نے بتایا کہ کورونا مثبت آنے والوں کو قرنطینہ کردیا گیا ہے، ان افراد کے ریپیٹ ٹیسٹ جمعرات کو کیا جائے گا۔ 

سمیع برنی نے کہا کہ اس وقت ببل کے اندر تین سو کے قریب لوگ ہیں۔ان کا کہنا تھا کہ نیشنل اسٹیڈیم کے اسٹاف کے بھی ٹیسٹ ہوئے ہیں ، براڈکاسٹنگ اسٹاف کے بھی ٹیسٹ کئے جاچکے ہیں۔ انہوں نے بتایا کہ تین بجے پی ایس ایل کی ایک ورچوئل میٹنگ کی جارہی ہے ، میٹنگ میں تمام فرنچائز کے اونرز کو اعتماد میں لینا ہے۔سمیع برنی نے کہا کہ کس بھی پلئیر کو آئسولیشن میں نہیں بھیجا گیا ہے ، ماسک ، اور ڈسٹنسنگ کے لیے کہا گیا ہے۔

خیال رہے کہ اس سے قبل پاکستان سُپر لیگ (پی ایس ایل) کے سیزن 6 کے میچز چند دنوں کیلئے ملتوی کیے جانے کا امکان ظاہر کیا جارہا تھا۔