پی ٹی آئی کے منحرف ارکان کی آمد پر سندھ اسمبلی میدان جنگ میں تبدیل

تفصیلات کے مطابق تحریک انصاف کے 3 منحرف   ارکان سندھ اسمبلی پہنچے تو  جھگڑا شروع ہو گیا۔ پی ٹی آئی ارکان نے اپنے منحرف ارکان کا گھیراؤ کرلیا،    شہریار شر، اسلم ابڑو اور کریم بخش گبول  کے  شرجیل میمن کے ہمراہ اسمبلی میں داخل ہو نے پر زبردست ہنگامہ آرائی ہوئی ،  پیپلزپارٹی کے برہان چانڈیو نے دونوں ارکان سے مصافحہ کیا جس کے بعد   پی ٹی آئی ارکان نے ان پر حملہ کردیا جس پر پی پی ارکان بھی معاملے میں کود پڑے۔ پی ٹی آئی کے ایم پی ایز نے پی پی پارلیمانی لیڈر کو زمین پر گرا دیا ۔  ارکان ایک دوسرے کے خلاف نازیبا الفاظ استعمال کرتے رہے۔لڑائی مارکٹائی کے دوران سندھ اسمبلی میں میز کے شیشے بھی ٹوٹ گئے۔

کشیدگی کے واقعے  پر سندھ اسمبلی کے ا سپیکر آغا سراج درانی  نے سیکرٹری سندھ اسمبلی کو تمام صورتحال پر انکوائری رپورٹ جمع کرانے کا حکم دیتے ہوئے کہا کہ  سندھ اسمبلی مقدس ایوان ہے واقعے کی تحقیقات کی جائے۔ ڈپٹی اسپیکر نے اجلاس کل تک کیلئے ملتوی کردیا۔