یو این مشن کے دوران پاک فوج کے حوالدارمحمد شفیق شہید

پاک فوج کے شعبۂ تعلقاتِ عامہ  (آئی ایس پی آر)  کے مطابق حوالدار شفیق سینٹرل افریقن ریپبلک میں خدمات کے دوران شہید ہوئے ۔ آئی ایس پی آر کا کہنا ہے کہ حوالدار محمد شفیق کی نماز جنازہ آبائی گاؤں میاں چنوں میں ادا کی گئی ہے ۔ شہید جوان کو پورے فوجی اعزاز کے ساتھ سپرد خاک کیا گیا ۔ حوالدار محمد شفیق نے پسماندگان میں اہلیہ اور 3 بیٹے چھوڑے ہیں۔

آئی ایس پی آر کے مطابق حوالدار شفیق فروری 2021ء میں یو این مشن میں شامل ہوئے تھے۔

پاک فوج کے شعبۂ تعلقاتِ عامہ  کے مطابق اب تک 162 اہلکار امن مشن میں خدمات کے دوران شہید ہو چکے ہیں۔