اسلام آباد یونائیٹڈ نے کوئٹہ گلیڈی ایٹرزکو 6 وکٹوں سے ہرا دیا

 تفصیلات کے مطابق  اسلام آباد یونائیٹڈ نے 157 رنز کا ٹارگٹ  4 وکٹوں پر حاصل کرلیا،  اسلام آباد یونائیٹڈ کی جانب سے پال سٹرلنگ 56 رنز بنا کر نمایاں رہے، روحیل نذیر نے 34 رنز کی اننگز کھیلی۔کوئٹہ گلیڈی ایٹرز کو مسلسل چوتھے میچ میں شکست کا سامنا کرنا پڑا۔

کوئٹہ گلیڈی ایٹرز نے اسلام آباد یونائیٹڈ کو جیت کیلئے 157  رنز کا ٹارگٹ دے دیا،  کوئٹہ گیڈی ایٹرز کی ٹیم 20 اوورز میں 7 وکٹوں پر 156  رنز بنا  کر آؤٹ ہو گئی تھی۔

کوئٹہ گلیڈی ایٹرز کے کپتان سرفراز احمد  54  رنز بنا کر ٹاپ سکورر رہے، محمد نواز 31 رنز بنا کر ناقابل شکست رہے جبکہ اسلام آباد یونائیٹڈ  کی طرف سے فہیم اشرف نے 3 حسن علی نے 2 شکار کیے۔

واضح  رہے کہ  کورونا وائرس کیس کے باعث اسلام آباد اور کوئٹہ کے درمیان گزشتہ روز میچ ملتوی کر دیا گیا تھا، اسلام آباد یونائیٹڈ کے آسٹریلوی باؤلر فواد احمد کا کورونا ٹیسٹ مثبت آیا تھا، دونوں ٹیموں کے کورونا وائرس کی رپورٹ آنے کے بعد آج میچ ری شیڈول کیا گیا۔