یوسف رضا گیلانی کو فوری طور پر سینیٹ الیکشن سے الگ ہوجانا چاہیے:شہباز گل

تفصیلات کے مطابق وزیر اعظم کے معاون خصوصی شہباز گل نے میڈیا سے گفتگو کرتے ہوئے کہا کہ یوسف رضا گیلانی کو فوری طور پر سینیٹ الیکشن سے الگ ہوجانا چاہیے۔ یوسف رضاگیلانی کےپاس الیکشن لڑنے کا اب کوئی اخلاقی جواز نہیں بچتا۔ علی حیدر گیلانی کی ووٹ خریدتےہوئےویڈیوآنےکےبعدالیکشن کمیشن کوایکشن لیناچاہیے۔

سپریم کورٹ سےنااہل سابق وزیراعظم کابیٹا ووٹ کا بھاو تاوبتا رہاہے ۔ یوسف رضا گیلانی سپریم کورٹ کے احکامات کی خلاف ورزی پر ہٹائےگئے تھے، آج یہ بات ثابت ہوگئی کہ یہ سینیٹ کا الیکشن صاف شفاف نہیں ہونے دیں گے۔

کسی بھی جمہوری قوم کیلئے  ایسے شرمناک مناظر نہیں  ہوسکتے ۔ یہ مناظر ایک دن میں نہیں ہوئے ، کوئی انہیں چیلنج کرنے والا تھا نہ سوال کرنےوالا۔ ترک خاتون اول کا ہار جس طریقے سے چوری کیا گیا سب کے سامنے ہے، آج سامنے آنے و الی ویڈیوشرمناک ہے۔ 

شہباز گل نے کہا کہ گزشتہ 40سے 50سال مافیاز کا راج رہاہےجبکہ تحریک انصاف نے مافیاز کو چیلنج کیا ہے۔ مافیاز کو چیلنج کرنے کا کریڈٹ وزیراعظم عمران خان کو جاتا ہے ،عمران خان نے کہا تھا یہ سب چور اکٹھے ہوجائیں گے ۔

شہباز گل نے مزید کہا کہ  الیکشن کمیشن نے  سپریم کورٹ کے فیصلے پر عمل درآمد نہیں کیا، سپریم کورٹ نے واضح کہاتھا کہ اس لوٹ مار کو روکا جائے۔