ووٹ مانگنا ہمار ا حق ہے، حکومت اپنے ممبران کو سنبھالے: یوسف رضاگیلانی

تفصیلات کے مطابق سابق وزیراعظم یوسف رضاگیلانی نے میڈیا سے گفتگو کرتے ہوئے کہا کہ  تمام الیکشن خفیہ بیلٹ کے ذریعے ہوتے ہیں۔ ووٹ مانگنا ہمار ا حق ہے، آ پ اپنے ممبران کو سنبھالیں۔ میں نے تو وزیراعظم عمران خان سے بھی ووٹ مانگا تھا۔ آج ہماری فتح ہوئی ہے،عوام کی ترجمانی کررہےہیں امید ہے کامیابی ہوگی۔

 میڈیا سے پریس کانفرنس کرتے ہوئے  چیئرمین پیپلزپارٹی  بلاول بھٹو  نے کہا کہ پی ڈی ایم کی کامیابی پر سب کو مبارکباد دیتاہوں، ہمارا مقصد جمہوریت کی بحالی ،  آئین اور قانون کی بالادستی ہے۔انہیں یہ پریشانی ہے کہ حکومت جا رہی ہے ،اپوزیشن کا یہی کام ہے کہ ان کو پریشان کیا جائے ۔

بلاول بھٹو نے مزید کہا کہ پی ڈی ایم کی جدوجہدسےعمران خان پریشان ہیں۔ تحریک انصاف اپنےممبران کوقابومیں رکھے۔ایک سینیٹ کی سیٹ پر  اسلام آباد کی حکومت پریشان ہے۔یہ حکومت کوئی عوامی مسئلہ حل نہیں کر رہی،غلط تاثر ڈالنےکی کوشش کی جارہی ہے۔اپوزیشن پیسا استعمال کررہی ہے ،کردارکشی کی جارہی ہے  ۔ریاست کا پیسا رشوت کے طور پر عمران خان استعمال کررہے ہیں۔ ان کے ممبران اسمبلی ریکارڈ پرہیں، ان کی ویڈیوزموجود ہیں۔عمران خان کی کرپٹ کوششیں ناکام ہورہی ہیں۔