آپریشن ردالفسارکی قربانیوں کورائیگاں نہیں جانےدیں گے،آرمی چیف

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمرجاویدباجوہ نےشمالی اورجنوبی وزیرستان کادورہ کیا۔آرمی چیف کوباڈرمنیجمنٹ سماجی،اقتصادی ترقی کےمنصوبوں پربریفنگ دی گئی،آرمی چیف کوباڈرٹرمینل کھولنےاورجاری آپریشنزپربریفنگ دی گئی۔

آئی ایس پی آر کا کہنا ہے کہ   آرمی چیف نےآسمان منزا،میرعلی میں جوانوں کیساتھ اگلےمورچوں پروقت گزارا، آرمی چیف نےفوجی جوانوں اورافسروں کی پیشہ ورانہ صلاحیتوں،عزم کی تعریف کی،آرمی چیف نےقبائلی اضلاع میں سول انتظایہ کی رٹ قائم کرنےکےاقدامات کی بھی تعریف کی۔

آرمی چیف جنرل قمر جاوید باجوہ نے کہا کہ   پاکستان خطےمیں امن اوراستحکام کیلئےکوشاں ہیں،پاکستان نے باڈرسیکیورٹی کومزیدموثر،فعال بنایاہے،ایف سی اورقانون نافذکرنےوالےاداروں کی استعدادکاربہتربنائی ہے۔

ترجمان پاک فوج کا کہنا تھا کہ  آرمی چیف نے میرعلی میں قبائلی عمائدین سےبھی تبادلہ خیال کیا،آرمی چیف نےدہشتگردی کیخلاف جنگ میں  قبائلیوں کی قربانیوں اورتعاون کوسراہا۔

آرمی چیف کا کہنا تھا کہ   قبائلی اضلا ع میں امن لوٹ آیاہے،مقامی آبادی اورسول انتظامیہ کی مددسےامن واستحکام کومزیدتقویت دےرہےہیں،آپریشن ردالفسارکی قربانیوں کورائےگاہ نہیں جانےدیں گے،ہمیں چوکنارہتےہوئےدشمن کی سازشیں ناکام بنانی ہے،ترقی امن کاسفرمتحدہوکرطےکرناہے۔ آئی ایس پی آر کا کہنا ہے کہ کورکمانڈرلیفٹیننٹ جنرل نعمان محمودبھی آرمی چیف کےہمراہ تھے۔