سینیٹ الیکشن میں ہمارے ارکان سے ایک زائد ووٹ بھی بونس ہو گا، بلاول بھٹو

پیپلز پارٹی کے چیئرمین بلاول بھٹو زدردای سینیٹ انتخابات میں ووٹ کاسٹ کرنے کے لیے پارلیمنٹ ہاؤس پہنچے، جہاں انہوں نے میڈیا سے غیر رسمی گفتگو میں کہا کہ ہم ایک ووٹ بھی جو زیادہ لیتے ہیں وہ بھی بونس ہو گا۔ ان کا کہنا تھا کہ ہم نے کٹھ پتلی حکومت کو ملک بھر میں ایکسپوز کر دیا ہے۔ ہم نے دکھا دیا ان کے اپنے ارکان حکومت سے خوفزدہ ہیں۔ چیئرمین پیپلزپارٹی نے کہا کہ ہم مل کر انہیں یہاں سے نکالیں گے۔ 

واضح رہے کہ سینیٹ کی 37 نشستوں کے لیے ووٹنگ کا عمل جاری ہے، اراکین اپنی حق رائے دہی استعمال کرنے کے لیے ایوان میں آرہے اور ووٹ کاسٹ کر رہے ہیں، پولنگ بغیر کسی وقفے کے شام 5 بجے تک جاری رہے گی۔ قومی اور صوبائی اسمبلیوں کے باہر سکیورٹی کے سخت انتظامات کئے گئے ہیں۔ اسلام آباد کی جنرل نشست پر پی ٹی آئی کے ڈاکٹر عبدالحفیظ شیخ اور پاکستان ڈیموکریٹک موومنٹ کے یوسف رضا گیلانی کے درمیان کانٹے کا مقابلہ متوقع ہے۔