عمران عباس اورترک اداکار کی ' دل دل پاکستان' گنگنانے کی ویڈیو مقبول

تفصیلات کے مطابق اسلامی تاریخ پر مبنی  شہرہ آفاق ترک ڈرامہ سیریل ’ارطغرل غازی‘ کی پاکستان میں مقبولیت کے بعد دونوں ممالک کی فنکار برادری بھی ایک دوسرے کے قریب آئی ہے ،  جہاں ڈرامے میں مختلف کردار ادا کرنے والے ترک اداکاروں نے پاکستان کا دورہ کیا وہیں پاکستان کے نامور فنکا ر بھی ترکی کے دورے کی تصاویر شئیر کرتے نظر آئے ۔

پاکستان کے خوبرو  اداکار عمران عباس نے انسٹاگرام پر  ایک ویڈیو شیئر کی  جو دیکھتے ہی دیکھتے   وائرل ہوگئی اور صارفین کی جانب سے اس پوسٹ کو بے حد پسند کیا جارہاہے ۔

اس  ویڈیو میں عمران عباس اور ارطغرل غازی  کے جنگجو عبدالرحمان کا کردار ادا کرنے والے اداکار جلال آل گاڑی میں ایک ساتھ سفر کررہے ہیں اس موقع پر دونوں اداکار مل کر ’دل دل پاکستان‘ گنگناتے نظر آئے ۔ اس پوسٹ کے عنوان میں  اداکار عمران عباس  نے لکھا کہ اللہ پاکستان اور ترکی کا بھائی چارہ اسی طرح قائم ودائم رکھے ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by ????? ????? (@imranabbas.official)

خیال رہے کہ اس سے قبل اداکارہ ریما نے بھی ترک اداکار جلال آل کے ہمراہ پاکستانی گیت بھی گنگنایا۔  گزشتہ سال اداکار عدنان صدیقی اور ہمایوں سعید نے پچھلے ماہ ترکی کا دورہ کیا اس موقع پر ان کے ہمراہ اداکارہ ریما خان سمیت دیگر اداکار موجود تھے۔

واضح رہے کہ گزشتہ سال  شہرہ آفاق ترک ڈرامہ ’ارطغرل غازی‘ میں مرکزی کردار ادا کرنے والے ترکش اداکار انگین آلتان   نے بھی پاکستان کا  دورہ کیا تھا ۔  اس سے قبل ’ارطغرل غازی‘ میں دوآن الپ کا کردار نبھانے والے اسٹار جاوید جیتن گُنیر بھی ماہ ستمبر میں پاکستان کا دورہ کرچکے ہیں۔