ہیٹی : آئل ٹینکر دھماکے میں 50 افراد ہلاک

غیر ملکی خبر رساں ادارے کے مطابق شہر کے میئر نے منگل کو بتایا کہ ہیٹی کے دوسرے بڑے شہرکیپ ہیٹین کی ایک گلی میں رات کے وقت آئل ٹینکر پھٹنے سے کم از کم 50 افراد ہلاک ہو گئے ہیں۔

میئر پیئر یوروس نے غیر ملکی خبر رساں ادارے کو بتایا کہ مقامی ہسپتال بہت سے زخمیوں کا علاج کرنے کی کوشش کر رہا ہے۔

انہوں نے کہا کہ "اب تک صورت حال نازک ہے کیونکہ وہاں پہلے ہی 50 کے قریب لاشیں موجود ہیں۔" "ہمیں انسانی وسائل کیساتھ  مادی وسائل کی بھی ضرورت ہے، یعنی سیرم، گوج، اور ایسی کوئی بھی چیز جو شدید جلنے کی صورت میں استعمال کی جا سکے۔"

زخمیوں کی کل تعداد ابھی تک معلوم نہیں ہو سکی۔

مقامی میڈیا کے مطابق، پٹرول لے جانے والا ٹرک آدھی رات کے قریب کیپ-ہیٹین میں  سماری کے علاقے میں الٹ گیا۔دھماکے کے بعد جب امدادی کارکن صفائی کر رہے تھے تو سفید چادروں میں ڈھکی لاشیں زمین پر پڑی تھیں اس سے پہلے کہ انہیں ٹرکوں میں اتارا جائے۔

دھماکے سے گلیوں میں واقع مکانات اور دکانوں ،موٹر سائیکلوں اور کاروں کو بھی نقصان پہنچا۔

حکومت نے جاں بحق افراد کے لیے تین روزہ سوگ کا اعلان کیا ہے۔ہیٹی میں اقوام متحدہ کے دفتر نے کہا کہ وہ  حکام کی مدد کے لیے تیار ہے، اور متاثرین کے اہل خانہ سے تعزیت کا اظہار کیا ہے۔