جنید صفدر کی شادی،مریم نواز توجہ کا مرکز

تفصیلات کے مطابق تصاویر اور ویڈیوز میں دلہا دلہن تو توجہ کا مرکز بنے ہی لیکن دلہے کی والدہ مریم نواز کو سوشل میڈیا صارفین نےخاص طور پر سراہا۔

بارات پر دلہا نے آف وائٹ رنگ کی شیروانی اور دلہن نے گولڈن رنگ کا لہنگا پہنا تھا۔ جنید صفدر نے اپنے سوشل میڈیا اکاؤنٹ سے اپنی شادی کی ویڈیو اور تصویر شیئر کی ہیں۔

بارات پر مریم نواز سبز رنگ کے لہنگے میں خوب سجی سنوریں نظر آئیں،ان کی بیٹے جنید صفدر اور شوہر کے تصاویر کو سوشل میڈیا صارفین نے خوب پسند کیا ہے۔

بارات سے مریم نواز کی ایک ویڈیو خوب وائرل ہو رہی ہے۔ جس میں مریم نواز اپنی نئی نویلی بہو کا ہاتھ نہایت پیار سے چوم رہی ہیں۔

سوشل میڈیا صارفین جنید صفدراورعائشہ سیف کی جوڑی کا موازنہ مریم نواز اور کیپٹن صفدر سے بھی کرتے رہے۔

یاد رہے کہ جنید صفدر اور عائشہ سیف کا نکاح 22 اگست کو لندن میں ہوا تھا اور سوشل میڈیا پر اِن کے نکاح کی تصویریں اور ویڈیوز بھی خوب وائرل ہوئی تھیں۔