چوتھی میری ٹائم سیکورٹی ورکشاپ کے شرکاء کا نیول یونٹس کا دورہ

ترجمان پاک بحریہ کے مطابق میری ٹائم سیکورٹی ورکشاپ کے انعقاد کا مقصد ملکی میری ٹائم سیکٹر اور بحری اقتصادی شعبے کا فروغ ہے۔

ترجمان پاک بحریہ کا کہنا ہے کہ ورکشاپ کے شرکاء کو پاکستان بحریہ کے جنگی جہازوں کا مطالعاتی دورہ کروایا گیا ، شرکاء کو ملکی سمندری حدود میں درپیش خطرات اورپاک بحریہ کے فلیٹ کی آپریشنل استعداد پر بریفنگ دی گئی۔

پاک بحریہ کے ترجمان کا کہنا ہے کہ ورکشاپ کے شرکاء نے سجاول، شاہ بندر اور سرکریک میں پاک بحریہ کے اگلے مورچوں کا دورہ بھی کیا ، اورماڑہ میں شرکاء کو جناح نیول بیس ، پی این ایس درمان جاہ اور کیڈٹ کالج اورماڑہ کا دورہ بھی کروایا گیا۔