حکومت کا پٹرولیم مصنوعات کی قیمتوں میں کمی کا اعلان

تفصیلات کے مطابق مہنگائی کے مارے عوام کیلئے خوشخبری، حکومت نے پٹرولیم مصنوعات کی قیمتوں میں کمی کا اعلان کردیا۔حکومت کی جانب سے پٹرول کی قیمت میں 5 روپے کمی کا اعلان کیا گیا ہے۔ پٹرول کی نئی قیمت 140روپے82پیسے فی  لٹر ہوگی ۔

مٹی کے تیل کی قیمت میں 7 روپے کمی کردی گئی۔ مٹی کے تیل کی نئی  قیمت 109روپے53پیسے فی لٹر ہوگی۔لائٹ ڈیزل کی قیمت فی لیٹر 7 روپے 1پیسے کمی کردی گئی۔ لائٹ ڈیزل کی  نئی قیمت107.06 روپے فی لٹر ہوگی۔ڈیزل کی قیمت میں 5 روپے فی لٹر کی کمی کردی گئی۔ ہائی اسپیڈڈیزل کی  نئی قیمت 137روپے 62پیسے فی لٹر ہوگی۔

پٹرولیم مصنوعات کی نئی قیمتوں کا اطلاق  آج رات 12بجے ہوگا۔