سینیٹ انتخابات میں پی ڈی ایم نے لوٹی ہوئی دولت کے منہ کھول دیے: شبلی فراز

میڈیا سے گفتگو کرتے ہوئے شبلی فراز کا کہنا تھا  کہ صوبے کی ترقی کے لیے بھر پور کوشش کریں گے جبکہ سینیٹ انتخابات سےمتعلق  وزیراعظم عمران خان کے خدشات صحیح  ثابت ہوئے،  وزیراعظم عمران خان ہی ملک کے نظام کو تبدیل کرسکتے ہیں۔

شبلی فراز نے کہا کہ یہ ضمیروں کے سوداگر ہیں آج کا نتیجہ کل کی ویڈیو کا ثبوت ہے، پی ڈی ایم نے لوٹی ہوئی دولت کے منہ کھول دیے ہیں، خیبرپختونخوا کے عوام عمران خان کے ساتھ کھڑے ہیں، عمران خان کے مستعفی ہونے کی باتیں کرنے والوں کو شرم کرنا چاہیے۔