محکمہ موسمیات کی اہم پیشگوئی

محکمہ موسمیات کے مطابق آئندہ چوبیس گھنٹوں میں ملک کے بیشتر بالائی وسطی علاقوں اور شمالی علاقہ جات میں موسم سرد رہے گا جبکہ پنجاب کے میدانی علاقوں میں شدید دھند کیساتھ سردی میں اضافے اور اسموگ کا بھی امکان ہے، خیبر پختونخوا کے بیشتراضلاع میں بھی موسم شدید سرداورخشک رہے گا، تاہم صبح اور رات کے اوقات میں پشاور، مردان، چارسدہ، صوابی اور نوشہرہ میں دھند اوراسموگ چھائے رہے گی۔ 

محکمہ موسمیات کے مطابق آج درجہ حرارت سکردو میں منفی 9، گلگت، استور میں منفی 8 ڈگری سینٹی گریڈ ریکارڈ کیا گیا، اسلام آباد میں بھی سردی کی شدت میں اضافہ ہوا ہے، درجہ حرارت صفر ریکارڈ کیا گیا، فیصل آباد اور ملتان میں بھی سردی شدید ہو گئی، ملتان میں درجہ حرارت ایک اور فیصل آباد میں پانچ ڈگری سینٹی گریڈ ہو گیا۔